Груевски: Намалениот ДДВ ќе биде директна помош за граѓаните

На денешната владина седница беа прифатени измените на предлог-законот за ДДВ. Премиерот Никола Груевски истакна дека е донесена одлука за неколку производи да биде намалено ДДВ од 18 на 5 отсто.

Данокот на додадена вредност ќе се намали за сточна храна и адитиви, жив добиток, бебешки производи и училишен прибор.

-Со намалувањето на ДДВ, очекуваме да се намали и цената на производите, што ќе биде директна помош за граѓаните. Намалениот ДДВ кај бебешките производи и училишниот прибор ќе биде од голема помош за родителите на новородени бебиња и ученици. Со намалувањето на ДДВ ќе се влијае и врз цените на сточната храна и добитокот, со што ќе се влијае и на намалување на цените на месо и млечни производи. Оваа мерка ќе ја подобри и конкурентноста на македонските производи врз увезените производ – истакна Груевски.

Нивото на финансиски импликации за оваа мерка е 380 милиони денари на годишно ниво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.