Во текот на изминатиот викенд на подрачјето на Град Скопје се случиле 26 сообраќајни незгоди.

Во петокот се случиле вкупно 10 сообраќајни незгоди. Од нив, седум се со последица материјална штета и три со телесна повреда во кои со телесни повреди се здобиле еден возач на моторно возило, еден пешак и еден велосипедист. Во сабота, сообраќајната полиција изврши увид на вкупно девет сообраќајни незгоди. Од нив, шест се со последица материјална штета и две се со последица телесни повреди, во кои со телесни повреди се здобиле еден возач на моторно возило, еден пешак и двајца сопатници.

Случена е и една незгода со тешки телесни повреди. Истата се случила околу 2 часот и 15 минути на крстосницата од ул. „11 Октомври“ и ул. „Филип Втори Македонски“ во која учествувале две патнички моторни возила „БМВ“ и „голф“ и двете возила со скопски регистарски таблички, управувани од граѓани на Скопје. Од незгодата со тешки телесни повреди се здобил сопатникот од „голфот“, роден 1986 година, а со телесни повреди се здобиле двајцата возачи на моторните возила.

Во неделата се случени седум сообраќани незгоди. Од нив, три се со последица материјална штета и четири со последица телесна повреда во кои со телесни повреди се здобиле еден возач на моторно возило, еден сопатник во патничко моторно возила, двајца возачи на мотоцикли и двајца сопатници на мотоцикли.

За денеска нема најавено вонредни настани со што се очекува сообраќајот да се одвива тековно според постоечката сообраќајна регулатива.