Засега е познато дека тој слетал на аеродромот во Скопје и веднаш бил превземен од макеоднската полиција и упатен во истражниот затвор Шутка.

Четириесетгодишниот Топаловски се бараше поради сомнение дека на 22 ноември 2007 година ги убил Андреј Филип – Џиџи (35) и триесетгодишниот Новица Благоевиќ – Моско од Скопје, а потоа ги прегази со неговиот автомобил.

Според информациите од полицијата, Топаловски ги убил двајцата скопјани бидејќи подолго време им должел 10.000 евра кои му ги дале под лихва.

Наводно, Топалоски за да не ги врати парите планирал да избега од земјата, кај неговата сопруга во Србија, но за тоа дознале и Благоевиќ и Филип. На денот на убиството двајцата го чекале Топалоски пред цвеќарата кај Зоолошка за да го бараат долгот. Но, Топаловски ги немал парите, поради што двајцата почнале да го тепаат. Но, тогаш Топаловски извадил пиштол и со по еден куршум ги застрелал Филип и Богоевиќ. Откако пукал во нив, додека лежеле речиси мртви на земја, Топаловски ги прегазил со автомобилот, а потоа побегнал.

Неговиот автомобил “ситроен Ц4“ два дена подоцна беше пронајден во гаражите на зградата во која живеел во населбата Карпош 4.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.