Груевски: Нова инвестиција во североисточниот дел на Македонија, 5.000 нови вработувања

Премиерот Никола Груевски на својот профил „Фејсбук“ најави нова крупна инвестиција на уште една компанија во североисточниот дел на Македонија, со која ќе се отворат нови 5.000 работни места.

Тој истакна дека преговорите со компанијата која своите капацитети би ги лоцирала во североисточниот дел на Македонија се во самиот финиш.

– Нашата првенствена задача како влада и политичари е подобрување на стандардот на граѓаните. Мој личен фокус беше и останува раст на економијата и отворањето на нови работни места. Исклучително се вредни миговите кога се прават конкретни резултати на тој план. Затоа честитки до граѓаните за новата инвестиција во североисточниот дел која на Македонија ѝ носи нови 5000 работни места и нови 5.000 вработувања. Уште еден доказ дека има разлика! Тоа се 5.000 семејства. Нашата борба за нови работни места продолжува – објави премиерот Груевски.

Компанијата се занимава со производство на кошули, костими, палта, јакни, класични и неформални пантолони, а исткнуват дека квалитетот им е најсилна одлика.

Од компанијата истакнуваат дека првичната инвестиција е 180 милиони долари, а во рок од пет години вкупните инвестиции во Македонја ќе бидат 400 милиони долари. Во рок од пет години се очекува извозот да достигне 600-800 милиони долари, а истиот ќе биде наменет за САД, Велика Британија, Франција, Германија, Русија, Италија, Шпанија, Кина, Јужна Кореја, Јапонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.