Далас Маверикс потполно доминира над Спарс и славеше со 113-92, а со оваа победа израмни на 1-1. Одличен натпревар кај гостите одиграа Монта Елис со 21 поен, Шон Марион со еден поен помалку, додека Дирк Новицки го заврши натпреварот со 16 поени.
Кај екипата на Сан Антонио најрасположен беше Ману Џинобили, кој постигна 27 поени.
Бранителот на шампионскиот прстен, екипата на Мајами хит, со победата над Шарлот со 101-97 дојде до водство од 2-0.
Благодарение на првата четвртина, која ја добија со 29-19, Хит успеа да дојде до триумф. Леброн Џејмс постигна 32 поени проследени со 8 асистенции, Крис Бош уфрли 20 поени. Бобкетс беше предводен од Мајкл Кид-Гилкрист со 22 поени.
Портланд Треилбрејзерс од гостувањето во Хјустон носат 0-2 во Орегон бидејќи синоќа на вториот натпревар во Хјустон повторно славеа над Рокетс со резултат 112-105. Ламар Олдриџ повторно имаше неверојатен плејоф учинок и мечот го заврши со 43 поени, а зад него е Демијан Лилард со 18 поени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
