Груевски објави нова инвестиција од 18 милиони евра

Премиерот Никола Груевски предмалку на својот Фејсбук профил објави дека нова инвестиција од 18 милиони евра влегува во Македонија.

Груевски им честиташе на граѓаните истакнувајќи дека новата инвестиција ќе отвори 150 директни вработувања.

-Честитки до граѓаните, нова инвестиција од 18 милиони долари, нови 150 директни вработувања. И ова е разликата која ти ја препознаваш – напиша Груевски на Фејсбук.

Компанијата “ENERGIA” Ltd. е од Киев, Украина и својата фабрика на површина од 8 хектари ќе ја гради во индустриската зона Бунарџик 2. Компанијата се занимава со производство на вода за пиење, дезинфекција на отпадни води, чие производство е врз основа на нова технологија со највисоки еколошки стандарди, патентирана во САД.

Годишниот извоз би бил 20 милиони евра, а производството ќе биде наменето за Блискиот Исток, Африка, Источна и Централна Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.