– Мојата должност ќе ја извршувам со најголема одговорност и убеден сум дека ќе придонесам кон градење на армија согласно стандардите на НАТО, подготвена да се справи со предизвиците на модерното време- нагласи Џафери.
Потенцирајќи дека за него претставува голема чест и задоволство да раководи со МО се до успешното заокружување на реформите и модернизацијата на АРМ, Џафери посочи оти пред се ќе придонсе АРМ во секоја нејзина димензија ја рефлектира реалноста на нашата држава.
– Да биде симбол на меѓуетнички соживот, толеранција, почит на различнсотите, како и помирување помеѓу етничките групи- рече новиот министер Талат Џафери.
Инаку, предлозите за новите министри за одбрана, евроинтеграции и за локална самоуправа, Талат Џафери, Фатмир Бесими и Тахир Хани, вчера попладне беа изгласани во Собранието. Мини-реконструкцијата на Владата ги опфати само кадрите на ДУИ, бидејќи Теута Арифи и Невзат Бејта владиниот кабинет го заменија со кандидатури за градоначалници на Тетово и на Гостивар. Парламентарното мнозинство требаше да избере и нови заменик-министри.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
