Претседателот на Русија Владимир Путин четири часа во живо во телевизиска емисија одговараше на прашања на граѓани на Русија за актуелните надворешнополитички и внатрешно политички прашања.
Снимката на емисијата „Директна линија“ која стана традиционална содржи многубројни прашања и одговори.
На прашањето која ќе биде новата прва дама на Русија, Путин одговара:
– Прво морам да ја омажам поранешната сопруга,а потоа да се погрижам за себе.
Едвард Сноуден: Дали Русија ги пресретнува комуникациите на интернет и собира приватни податоци за обичните луѓе? Дали е тоа оправдано, дали е чесно да се користи таква контрола?
-Јас сум работел за служба за разузнавање исто како и вие, господине Сноуден. Нашата служба за разузнување работи според правила регулирани со закон. Тоа важи за пресретнување на телефонските разговори и комуникации онлајн. Вие мора да имате посебно одобрување за да слушате некого. Според нашиот закон тоа не можете да го правите туку-така. Се разбира, криминалците користат технологија во своја корист и службите за разузнување мораат да користат технологија за да одговорат на тие предизвици, но ние немаме масовно неконтролирано прислушкување и шпиунажа од тој вид.
Кој се обидува да не скара со Украина? Кој пушта гласини дека сакаме да испратиме тенкови?
-Тоа е политиката на меѓународната заедница веќе со векови. Што се однесува до нас, меѓу Русите и Украинците нема поделби. Тоа е еден народ. Но, оваа политика на ослабување и разделување на територии и луѓе продолжува. Се спроведуваат посебни сили кои се борат против нас. Погледнете што направија со Југославија и како ја изманипулираа. Многумина тоа сакаат и нас да ни го направат. Кој го прави тоа. Ете кој….
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
