Фудбалерите на Реал Мадрид се освојувачи на купотна Шпанија. Тие во финалето го совладаа вечниот ривал Барселона со 2-1. Кралевите заслужено го освоија трофејот бидејќи доминираа на теренот во сите 90 минути.
Реалрано поведе со голот на Анхел Ди Марија во 11 минута. Аргетинецот успешно ја избегна офсајд замката и од косо од левата страна успешно го матираше голманот Пинто. Во продолжение од натпреварот Реал успеа да создаде уште неколку шанси,но Бензема и Бејл не успеаа да ги реализираат.
Барселона одигра уште еден анемичен натпревар во кој главните ѕвезди Меси,Нејмар, Чави не успеваа да се снајдат од агресивната игра на мадриѓани по целиот терен.
Мала искра надеж им донесе Бартра кој со глава во вториот дел во 68 минута ги занеме сите навивачи на Реал на стадионот Месталја во Валенсија. Тој го израмни резултатот на 1-1 и им даде до знаење на кралевите дека нема лесно да се предадат.
Најскапиот играч во светот Герет Бејл докажа дека со право е платен 100 милиони евра бидејќи по 85 минути игра успеа да постигне гол за победа претрчувајќи во полн спринт повеќе од половина терен и ја затресе мрежата упатувајќи ја топката под нозете на голманот на Барселона.
Реал Мадрид со оваа победа го освои 19 куп на Шпанија. Во меѓусебните финалиња сега Реал поведе со 4-3.
Реал Мадрид – Барселона (Ди Марија 11, Бејл 85 – Бартра 68)
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
