Ставрески: Продолжуваат инвестициите во спортот

– Во изминатиот период ВМРО-ДПМНЕ и Владата инвестираа многу во спортот и изградба на спортски објекти, а поддршката и инвестициите во оваа област ќе продолжат и понатаму – најави денеска носителот на ИЕ4 на ВМРО-ДПМНЕ, Зоран Ставрески, при посетата на средното училиште Димитар Влахов во Струмица, кое е изградено после втората светска војна.

Ставрески додаде дека дури по 60 години, ова училиште добило спортска сала, во која биле инвестирани околу 600 илјади евра.

-Покрај спортската сала во Струмица и струмичко се изградени уште 3 спортски сали во Василево, Иловица и Куклиш и во следниот период ќе продолжиме со вакви инвестиции во изградба на училишни спортски сали, од кои две ќе бидат во Струмица и една во Муртино. Предвидени се и 4 тениски терени во Струмица, предвидени се повеќенаменски игралишта, како и изградба на фудбалско игралиште со вештачка трева во склоп на академијата Пандев. Предвидена е и дисперзирана паралелка на Спортската академија со која што ќе овозможиме средните училишта и младите луѓе да спортуваат и да се подготвуваат за учество на националните спортски селекции – потенцираше Ставрески.

Сите инвестиции во спортот, рече Ставрески, се значајни за младите кои се изградуваат како вистински личности, учат да се натпреваруваат, да победуваат, но и да трпат порази, а по поразите повторно да станат и да продолжат понатаму.

-На тој начин ќе продолжиме со поддршка на училишниот спорт, но и општо на спортот во Македонија како активност која што засега стотици илјади млади луѓе и на ваков начин им овозможуваме во подобри услови, во подобра инфраструктура да се дружат и да извршуваат спортски активности – истакна Ставрески.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.