На интеренет се појави снимка на најголемиот собир на терористи на Ал Каеда, кој е забележан во последниве неколку години.
Имено, снимката прва ја објави американската ТВ-станица Си-Ен-Ен, која објави и дека овој видеозапис од собирот почнал да се споделува на џихадски вед-сајтови.
За ова се заинтересирале и американските стручњаци за тероризам кои напоменуваат дека снимката е потполно автентична и прашуваат дали е можно Пентагон и ЦИА сѐ уште да не се огласиле по овој повод, а, што е уште полошо, дали е можно да им се провлекол овој настан, да не го виделе?!
Имено, на снимките се гледа вториот човек на Ал Каеда, Насир ал Вухајши, кој им порачува на своите борци дека сака да ги нападне САД и дека воопшто не се плаши од последиците.
– Мораме да го тргнеме крстот, а носител на крстот е Америка – им вика Ал Вухајши на своите „борци“.
Медиумите потсетуваат дека тој човек е водач на фракцијата на Ал Каеда, која во своите редови има човек што може да постави бомба во авион која е невозможно да се открие.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
