Познатата пејачка Мајли Сајрус (21) во вторникот го откажа концертот во Канзас Сити и е хоспитализирана поради, како што објаснија организаторите, силна алергиска реакција на антибиотици.
Пејачката мора да се одмора и нема да ги одржи предвидените концерти поради што им се извини на обожавателите на „Твитер“.
– Толку многу сакав да бидам вечерва со вас – напиша таа.
Мајли моментално е на турнеја и би требало да одржи околу 60 концерти во Северна Америка и во Европа, од февруари до јуни. Паузата нема да трае долго затоа што в среда навечер ќе настапува во Сент Луис во Мисури.
Еден месец порано го откажа концертот во Шарлот поради грип.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
