Анкетите направени во предизборниот период од страна на агенциите, освен процените за изборните резултати, ја покажаа и соодветноста на самите агенции, смета политичкиот аналитичар и сопственик на Институтот за политички истражувања Скопје, Владимир Божиновски, пишува „Курир“.
Споредено со официјалните резултати од Претседателските избори на ДИК, најточни прогнози во предизборието имал ИПИС. Според анкетата објавена на 9.3.2014 година ИПИС прогнозирал дека кандидатот на ВМРО-ДПМНЕ Ѓорге Иванов ќе освои 52 отсто од гласовите, а кандидатот на СДСМ Стево Пендаровски 34,5 проценти.
Официјалните податоци од ДИК се 51,67отсто за Ѓорге Иванов наспроти 37, 52 проценти за Стево Пендаровски.
– Истражувања во предизборниот период имаше од 4 агенции Институтот за политички истражувања (ИПИС), институтот „Димитрија Чуповски“, институтот „Павел Шатев“ и агенцијата „Рејтинг“. Овие анкети покажаа дека најблиску, односно точно ги погоди резултатите ИПИС, но многу беа блиску и институтите „Димитрија Чуповски“ и „Павел Шатев“, кои, исто така, се покажаа како соодветни институции, и тука се завршува списокот на соодветни агенции што објавуваат во Република Македонија – посочи Божиновски во изјава за „Курир“.
Меѓу сите агенции што презентираа анкети во пресрет на првиот изборен круг, сосема погрешни прогнози имаше агенцијата „Рејтинг“, која предвидуваше победа на Стево Пендаровски.
– Агенцијата „Рејтинг“ направи катастрофална грешка, не само што погрешија во однос за процентот на разликата што ќе ја имаат кандидатите , туки се направи и погрешна процена во однос на тоа кој ќе биде победник, затоа што прогнозираа дека Стево Пендаровски ќе има повеќе гласови од кандидатот на ВМРО-ДПМНЕ Ѓорге Иванов – истакна Божиносвки за „Курир“.
Според овие информации, како што нагласи Божиновски, уште еднаш се докажа дека ИПИС излегува со најточни прогнози во последните 10 години.
– Според ова се потврди дека Институтот за политички истражувања дал најточни прогнози, како и во изминативе 10 години, и институтот и јас стоиме зад своите анкети – посочува Божиновски повикувајќи ги и од агенцијата „Рејтинг“ да излезат со свое објаснување околу објавените резултати.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
