Груевски: Во завршна фаза се преговори за инвестиција во североисточниот дел на државата која ќе обезбеди 5.000 вработувања

Премиерот Никола Груевски за време на гостувањето во емисијата „Јади бурек“, зборувајќи за странските инвестиции во Македонија, истакна дека има неколку сигурни  компании, кои што  што во наредните годинна-две ќе инвестираат во Македонија.

Груевски потенцираше дека во моментов за завршна фаза се преговрите со странска компанија која сака да инвестира во североисточниот дел на Македонија.

– Во завршна фаза се преговорите со една странска компанија што сака да се стационира во Североисточна Македонија,  цела зона да направи со 4 до 5.000 вработувања. Ако тоа успее за тој регион ќе биде препород – нагласи Груевски.

Преговорите, како што нагласи,  се во завршна фаза, но бидејќи инвестицијата се уште не е официјално потврдена, не смееше да открие за која компанија станува збор.

– Во овој момент не можам ниту фирмата да ја кажам, нитu било што поконкретно, бидејќи не ни се завршени преговорите – посочи Груевски.

Тој додаде дека колку повеќе компании инвестираат во Македонија толку повеќе конкуренцијата ќе расте за вработување и дека  тогаш ќе почне реалното зголемување на платите, бидејќи кога доаѓаат повеќе фабрики, тогаш работодавачите се борат за најдобрите работници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.