Претседателот на Граѓанската опција за Македонија, Стевчо Јакимовски имаше едночасовна средба со амбасадорот на САД во Македонија, Пол Волерс.
Амбасадорот Волерс се интересирал за актуелните избори, како за претседателските, така и за парламентарните, но и за текот на кампањите. Волерс се интересирал и за искуствата што ги има ГРОМ во текот на предизборните и изборните кампањи, односно дали оваа релативно нова партија на македонската политичка сцена се соочува со проблеми и кои се очекувањата на ГРОМ од овие избори.
Јакимовски изразил верување дека ќе има фер и демократски избори.
– На терен, има одредени притисоци од одредена партија, но ние сме подготвени да го издржиме тоа. Мислам дека на 13 и на 27 април, тие самите ќе се срамат од таквото политичко дејствување – посочил на крајот Јакимовски.
Амбасадорот Волерс се запознал и имал кратка средба и со кандидатот за претседател од Коалицијата ГРОМ, Зоран Поповски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
