Возачот на Мерцедес Луис Хамилтон триумфираше на Големата награда на Бахреин, трета трка од овогодинешниот шампионат во Формула 1.
Хамилтон до втората победа по ред, а 24. во кариерата дојде со време од 1:36:42.
Второто место со секунда заостанување го зазема Нико Розберг, додека трет беше Серхио Перес.
Покрај тоа, Ферари потполно потфрли, бидејќи Фернандо Алонсо и Кими Раиконен успеаја да дојдат само до деветто и десетто место.
Трката ја обележи големиот инцидент во 42. круг кога Пастор Малдонадо го лансираше Естебан Гутиерез во воздух. На среќа, младиот возач помина без повреди.
Следната трка се вози во Кина на 20. април.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
