Потрагата по исчезнатиот авион во трка со времето: кинески брод фатил сигнал од црната кутија?

Кинески патролен брод кој го пребарува подрачјето во јужниот Индиски Океан фатил сигнал на фреквенција од 37,5 кHZ во секунда, каков што емитуваат црните кутии во авионите, јавува агенциајта Ксинхуа.

– Станува збор за стандардна фреквенција за двете црни кутии, едната го снима гласот на пилотот, а другата дава технички информации за летот, велат од компанијата која ги произведува локаторите на црните кутии.

Експертите засега се внимателни и предупредуваат дека примениот сигнал не мора да биде поврзан со исчезнатиот авион.

Четири недели по исчезнувањето на авионот, потрагата по авионот од денеска е интензивирана на југот на Индиски Океан со надеж дека ќе биде пронајдена црната кутија пред да се испразнат батериите. Батериите на црните кутии траат по 30 дена, па се очекува да прекине со емитување сигнали во понеделник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.