Алмир Мили
Пролетното издание на Модната недела во Скопје продолжи со креациите на студентите од Факултетот за арт и дизајн при Европскиот универзитет, потоа на минатогодишните победници на „Поп!Мода“ и ревиите на петтмина македонски дизајнери, вчеравечер во салонот „Порше Македонија“.
Модното случување го отворија студентите на Факултетот за арт и дизајн: Милена Коцевска, Ивана Николова, Ана Камчева, Лаунтина Кица, Орнела Јорданова, Ана Лазова, Даниела Савиќ, Елмедина Ибиши, Ивана Костадинова и Анастасија Чадо.
По презентацијата на студентите следуваше моден перформанс на тројцата победници на минатогодишниот проект Поп!Мода!, кои ги претставија капсулните колекции, Виктор Цветановски со pre-fall колекција, Ана Камчева со „Gravity“ и Алмир Мили со колекцијата „Русалка“.
Од колекцијата на Алмир Мили „Русалка“
Вечерта продолжи со ревијата на Ирина Тошева со колекција за актуелната сезона, инспирирана од, како што вели таа, „мирисот на носталгијата , позната стара мелодија и старите фотографии од семејните албуми“.
Од ревијата на Стефанија Насеска
Третата ревијална вечер на деветтото издание на Модната недела во Скопје ја затвори групна модна ревија на Стефанија Насеска со колекцијата „Револуција “ за пролет/лето 2014 составена од 13 креации, Марјана Рујаноска со „Pureness“ за актуелната сезона, Бобан Илиевски со „Bohemian Chic“, кој одлучи колекцијата да ја продава по промотивни цени во кафулето „Концепт 37“.
Бобан Илиевски
Од ревијата на Никола Петровски
Денеска на моден бранч во „Хорти експерт гарден“ ќе се претстави најновото од MCouture by Mila Kadriu. Во салонот „Порше Македонија“ од 19.30 часот следува моден перформанс на Newman’s accelerator brand ID, потоа ревија на ателје Оливера Штакоска,
моден перформанс на Ивана Јованоска. Од 20 часот ќе биде презентирана најновата колекција на Јасмина Дракул, а за крај на вечерта со модни перформанси ќе се претстават Елена Спасовска и двоецот Јелкица и Виолета Поповски.
Од ревијата на Ирина Тошева
По ревиите колекциите на Елена Спасовска, Ивана Јованоска, Јелкица и Виолета Поповски и Јасмина Дракул ќе бидат веднаш достапни на продажба во „Концепт 37“ и во текот на наредниот ден.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
