Убиен поранешниот телохранител на Аркан

Во престрелка во центарот на Белград е убиен Раде Ракоњац, поранешен телохранител на Аркан.

Оружениот инцидент се случил во белградската населба Автокоманда, а полицијата претпоставува дека станува збор за пресметка меѓу две криминални банди.

Според информациите што ги објавија српските медиуми, Ракоњац, кој инаку беше член на аркановата Доброволна гарда и беше тесноповрзан со многу луѓе од српското подземје, е убиен во кафуле во центарот на Белград. Според медиумите, во кафулето влегол еден од напаѓачите вооружен со автоматска пушка и испалил рафал кон Ракоњац. Во престрелката се повредени уште четири лица.

По пукањето, напаѓачите излегле од автомобилот и го запалиле.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.