В недела, на 30 април, во периодот меѓу 12.00 и 14.00 часот на паркингот во СП Тафталиџе ќе се одржи голема хуманитарна парада на маски за децата од основните училишта во општина Карпош, во организација на „Скопски пазар“, продукција „Котиледон“ и Општина Карпош.
На маскембалот ќе учестуваат повеќе од 600 деца од кои 100 ќе се претстават со своите креативни изработки и ќе се натпреваруваат за прво, второ и за трето место во две категории. Децата што ќе дојдат на овој настан ќе добијат пакетче со пригодни подароци, ќе имаат можност да се забавуваат со Ивце Пивце, а ќе биде организирана и лотарија во која ќе учествуваат сите присутни. Стручното жири, кое ќе ги одбере најкреативните маски, ќе додели вредни награди за најдобрите три маски во категоријата најдобра поединечна маска и три награди во категоријата најдобра групна маска.
За учество на овој настан учесниците плаќаа по 100 денари и средствата што ќе бидат се собрани ќе одат за социјални намени во општината, односно ќе бидат доделени на социјалнозагрозените семејства на територија на општина Карпош. Покрај овие средства, „Скопски пазар“, во соработка со своите снабдувачи дополнително обезбеди за овие семејства пакети со производи во вредност од неколку илјади евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
