„Карла“ е новото модно студио на Ивана Кнез и Бранка Данчевска што ќе се отвори во центарот на Старата скопска чаршија, покрај Безистен, овој понеделник, 31 март.
Овој моден свет, во чиј фокус ќе се најде сета авангардност, уникатност и ексклузивност, е дело создадено од актуелните и докажани македонски дизајнерки.
Во објектот што вклучува изложбен салон и модно ателје, љубителите на високата мода и луксузниот стил ќе можат да го најдат своето совршено парче накит, рачно изработено или, пак, уникатно дизајнирана облека.
Студиото „Карла“, само ја потврдува веќе успешната соработка меѓу двете млади и успешни дизајнерки кои за во иднина најавуваат голем број заеднички проекти.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
