Паника во Брисел: Пронашле сомнителен пакет во близината на седиштето на НАТО

Белгиската полиција соопшти дека „сомнителниот пакет“ пронајден во Брисел, денеска кога таму пристигна американскиот претседател Барак Обама се покажал како лажна тревога.

Пакетот пронајден во автобус на јавниот превоз е безопасен и блокадата на околното подрачје веднаш била сопрена, соопштила полицијата.

Имено, претходно белгиската полиција објави дека пронашле сомнителен пакет и дека им е потребна притоа пиротехничка опрема на местото на настанот. Сомнителниот пакет е пронајден на северот од Брисел, на околу 3 километри од седиштето на НАТО, каде што нешто подоцна Обама треба да се сретне со Андерс Фон Расмунсен.

-Го затворивме опкружувањето, што претставува стандардна процедура во такви случаи, соопшти полицијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.