Победи на Сан Антонио и Мајами, нов пораз на Атланта

Сан Антонио Спарс очекувано ја совлада Филаделфија со резултат 113-91 и со тоа дојдоа до 14 последователна победа во НБА лигата, додека Сиксерс го запишаа 25 пораз во низа. Најефикасен во тимот на Спарс беше Остин Деј со 22 поени.

Кошаркарите на Атланта Хоукс забележаа нов пораз, трет во последните три натпревари, откако на домашен терен загубија од Феникс со 95:102. Перо Антиќ, одигра уште еден натпревар под неговиот НБА просек. Во поразот од Торонто постигна четири поени, а синоќа на натпреварот со Феникс тој имаше учинок од 5 поени, 8 скокови, 2 асистенции и 3 загубени топки.

Мајами одигра неизвесен меч на Флорида против Портланд, а Хит на кракот дојде до победа од 93-91 благодарение на Леброн Џејмс кој погоди во последната секунда од натпреварот. Покрај тоа што беше најзаслужен за победата, Леброн беше и најефикасен со 32 постигнати поени.

Со оваа победа на Мајами и поразот на Индијана, сега Хит заостанува само две победи зад Пејсерс во борбата за првото место во Источната конференција.

Резултати:
Шарлот – Хјустон 89:100, Чикаго – Индијана 89:77, Мемфис – Минесота 109:92, Њу Орлеанс – Бруклин 109:104, Оклахома – Денвер 117:96, Јута – Детроит 94:114, Клиперси – Милвоки 106:98

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.