Њујорк Никс по неколку солидни резултати синоќа беше непријатно изненаден со пораз на домашен терен од Кливленд со резултат 106-100. Џек уфрли 31 поен, 10 асистенции и 5 скока, додека Ирвинг за неговиот роденден постигна 22 поени за победа. Најефикасен кај домаќините беше Мело со 32 поени.
Доста ефикасен натпревар одиграа Минесота и Феникс, кој заврши со резултат 127-120 во корист на Санс. Морис покрај 25 поени имаше и 8 скока, а Блидсо уфрли 21 поен. Кај домашниот тим повторно најдобар беше Лав со 36 поени, 14 скока и 9 асистенции, додека Мартин го заврши натпреварот со 25 поени.
Лејкерс, конечно, одигра добро и успеаја да запишат победа. Тимот од Лос Анџелес на домашен терен го победи Орландо со 103-94. Хил беше одличен со 28 поена и 13 скока. Кај гостите најефикасен беше Оладипо со 21 поен и 10 асистенции.
Резултати: Торонто – Атланта 96:86, Минесота – Феникс 120:127, Денвер – Вашингтон 105:102, Сакраменто – Милвоки 124:107, Далас – Бруклин 104:107 (продолжение), Њујорк – Кливленд 100:106 и ЛА Лејкерс – Орландо 103:94.
Вечерва се играат десет натпревари: Шарлот – Хјустон, Атланта – Феникс, Мајами – Портланд, Чикаго – Индијана, Мемфис – Минесота, Њу Орлеанс – Бруклин, Оклахома Сити – Денвер, Сан Антонио – Филаделфија, Јута – Детроит и ЛА Клиперс – Милвоки.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
