Децата во Македонија ќе може да се вакцинираат против бактеријата стрептокока. Од Министерството за здравство најавуваат дека наскоро овие вакцини ќе ги има во центрите за јавно здравје и таму ќе може да се вакцинираат пациентите што сакаат да се заштитат. Засега не се знае дали вакцината ќе биде бесплатна, објави весникот „Нова Македонија“.
Стрептококата е бактерија што многу често прави инфекции кај дечињата што одат во градинка и во училиште, а се заразуваат едни од други. Типови на бактеријата можат да бидат многу опасни за организмот и да предизвикаат тешки оштетувања.
Сега државата набавува мал број вакцини за стрептокока, кои на Клиниката за детски болести им се даваат на деца што имаат ризично здравје, а според лекарите постои голема заинтересираност за нив.
Постојат две вакцини за стрептокока. Едната штити од 13, а другата од 23 типа на бактеријата. Помалите деца, велат педијатрите, често си пренесуваат стрептокока пневмонија, додека оние на училиште од типот пиогенес, која знае да предизвика опасна инфекција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
