Привремениот претседател на Украина Олександер Турчинов попладнево му дал ултиматум на Крим од три часа да ги ослободи сите украински војници кои се чуваат како заложници во воена база во Севастопол меѓу кои е и командантот на украинската морнаричка флота адмиралот Сергиј Хајдук. Во ултиматумот не е наведено што ќе се случи по истекот на времето ако не бидат ослободени.
– Владата ќе преземе адекватни мерки ако сите провокации усмерени кон украинските војници не бидат прекинати, а адмиралот Хајдук и другите заложници, воени и цивилни не бидат ослободени до 21 часот, изјави Турчинов.
Командантот на украинската морнарица кој беше прв човек на црноморската воена база во Севастопол исчезна без трага откако во средата беше заземена базата од проруски војници. Властите во Киев тврдат дека бил киднапиран од кримските власти и дека се чува како заложник заедно со другите војници.
Украинските власти потврдуваат дека изработуваат план за повлечување на украинската војска од Крим.
– Правиме план за брзо и ефикасно повлекување на војниците и членовите на нивните семејства на подрачјето на Украина, изјави државниот службеник за национална безбедност и одбрана Андриј Парубиљ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Украинските морнари признале: Добивме задача, влеговме во руски води и тука чекавме наредби
-
Мајка му помагала на повредените, без да знае дека Владислав е крвопролевачот од Крим
-
Дојави за бомби во Киев: Затворени пет метро-станици
-
Македонија и Украина ќе ја интензивираат политичката и економската соработка
