Српскиот наркобос Дарко Шариќ е уапсен утрово во заедничка акција на полициите на Црна Гора и Србија, објави „Блиц“ повикувајќи се на информации од Специјалното обвинителство. Засега нема детали од акцијата ниту на кое место е фатен, но, според информациите на весникот, Специјалното обвинителство очекува во најбрзо време Шариќ да биде донесен на испрашување.
Според информациите на „Б92“, Шариќ е пронајден во Латинска Америка, каде што се криел во повеќе земји, преминувајќи од една во друга. Откако бил уапсен, пренесен е во Црна Гора, каде што и официјално е уапсен. Најголема заслуга за неговото апсење, според телевизијата, имала српската разузнавачка агенција БИА.
Реализиацијата на оваа долгопланирана акција била раководена од министрите за правда на Србија и на Црна Гора.
Повеќе детали се очекуваат за денеска на пладне кога министерот за правда Никола Селаковиќ ќе одржи прес-конференција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
