Иако законскиот рок за оваа обврска започна да тече од почетокот на годината, најголем интензитет во поднесувањето на пријавите, како и секоја година досега, има во последните денови. Од УЈП потврдуваат дека досега се поднесени 108.763 Годишни даночни пријави, од кои 760 се доставени по електронски пат.
Од почетокот на оваа недела бројот на подносителите постојано се зголемува и дневно се примаат по повеќе илјади пријави. Одговорните потсетуваат дека граѓаните треба да имаат претходно пополнети пријави, а со нив да ги приложат и неопходните потврди за примањата што ги примиле заедно со платените аконтации за нив.
Пријавите за утврдување годишен данок на доход се бесплатни и можат да се подигнат во канцелариите на даночната управа или да се симнат од интернет, од официјалната веб страница на Управата за јавни приходи.
Обврска за поднесување пријава имаат граѓаните кои оствариле приходи во земјата и во странство, во што се вклучени: лични примања, приходи од самостојна дејност, приходи од имот и имотни права, од авторски права и права од индустриска сопственост, од капитал, од капитални добивки, добивки од игри на среќа и други наградни игри, и други приходи.
Даночните обврзници кои остваруваат само приходи од плати или пензии или само приходи од земјоделска, односно од самостојна дејност не се должни да поднесуваат Годишна даночна пријава.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Пензионерите што немаат дополнителни приходи не треба да се регистрираат за е-персонален данок
-
Возило на УЈП превртено стои во река – друго удрено во Битола
-
Важи и за плата и за пензија: Секој што има остварено приход, мора да се регистрира во системот Е-персонален данок
-
УЈП ќе шпионира кој работи за странство
