Морничавата снимка од осакатен носорог кој се тетерави по патот била прикачена на Јутјуб на почетокот на месецот, а снимена е во Националниот пар Кругер во Јужна Африка.
И покрај настојувањата да се прекине незаконскиот лов и да се спаси многу загрозениот црн носорог, и речиси подеднакво загрозениот бел носорог, повеќе од 1.000 примероци на овие животни се убиени само во Јужна Африка поради нивните наводно лековити рогови.
Лажните информации дека рогот од носорог лечи се’ – од рак до дијабетес – предизвикале зголемување на побарувачката на одредени пазари во Азија, каде еден килограм чини повеќе од 2 килограми злато. Меѓу богаташите е популарен и како дрога на забавите, иако тоа конзумирање може да се спореди со грицкањето на нокти.
Белата куќа минатиот месец претставила нова стратегија за разоткривање на организираната трговија на диви животни во САД, но ако не се направи ништо посериозно по тоа прашање, носорозите сигурно ќе исчезнат во следните 10 години.
Повредениот носорог бил виден на 28 февруари, и снимен од посетителите на Националниот парк Кругер, но ренџерите го лоцирале дури на 4 март. Животното било живо, но имало куршум во мозокот, па морале да го заспијат.
– Ќе продолжиме да вложуваме напори за да се избориме со проблемот кој го погодува националниот парк. За нас и еден убиен носорог е премногу! – напишале од Кругер во соопштение.
Вознемирувачко видео
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
