Холандскиот дипломат Роберт Сери, кој е специјален претставник на Обединетите нации во Украина, бил принуден да ја напушти мисијата на Крим и да си замине од регионот, откако група вооружени лица му го заплениле автомобилот и го држеле како заложник во едно кафуле.
Дипломатот заминал веднаш кон аеродромот откако ги прифатил брањата на 15-тина вооружени мажи кои од него барале да ја напушти дипломатската мисија и да замине. Додека заминувал кон аеродромот, толпата извикувала „Путин! Путин!“
„Оваа акција мора сериозно да се осуди“, изјави заменик-генералниот секретар на ОН Јан Елиасон. Автомобилот на Сери бил обиколен кога заминувал од украинската поморска база, каде што разговарал со еден од командирите. Вооружените лица го заклучиле претставникот на ОН во едно кафуле и не му давале да излезе, додека не прифатил да си оди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Украинските морнари признале: Добивме задача, влеговме во руски води и тука чекавме наредби
-
Македонија и Украина ќе ја интензивираат политичката и економската соработка
-
Иванов ги прими акредитивните писма на новите амбасадори на Украина и Индија
-
Путин по стапките на Трамп: Русија почна да гради ѕид со Украина
