Во дербито на вечерта Хјустон на домашен терен успеа да го совлада актуелниот шампион, екипата на Мајами со резултат 106-103, со што ја прекинаа серијата од осум последователни порази. Двајт Хауард со 22 поени и 16 скока беше најзаслужен за триумфот на Рокетс, а поред него одлични беа и Џејмс Харден со 21 како и Патрик Беверли и Теренс Џонс со по 19 поени. Кај гостите Двејн Вејд уфрли 24 поени, додека пак Леброн Џејмс застана на 22 поени.
Кевин Дурант со 42 поени ја предводеше Оклахома до лесна победа со резултат 125-92 против Филаделфија која го запиша 15. последователен пораз. Серж Ибака и Реџи Џексон дадоа по 14 поени, додека Расел Вестбрук постигна 13 поени. Кај гостите најефикасен беше Џејмс Андерсон кој натпреварот го заврши со 20 поени.
Со одличната игра во третата четвртина Лос Анџелес Клиперс успеаја да го свртат резултатот и на крај да триумфираат над Феникс со резултат 104-96. Во екипата на Клиперс најефикасен беше Барнс со 28 поени, а одличен натпревар одиграа и Блејк Грифин со 22 поени, ДеАндре Џордан со 10 поени и 17 скока.
Во неверојатниот меч во „Стејплс Центар“ во кој екипите како воопшто да не играа во одбраната, Њу Орлеанс ја совлада екипата на Лејкерс со 132-125. Ентони Дејвис и Ерик Гордон со по 28 поени беа најефикасни во победничкиот тим, додека пак на другата страна Пау Гасол постигна 29 поени и 12 фатени тпки. Пеликанс пред оваа победа имаа осум порази во низа.
Резултати:
Оклахома Сити – Филаделфија 125:92,
Индијана – Голден Стејт 96:98,
Хјустон – Мајами106:103,
Кливленд – Сан Антонио 101:122,
Феникс – ЛА Клиперс 96:104 и
ЛА Лејкерс – Њу Орлеанс 125:132.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
