Поранешната премиерка на Украина, Јулија Тимошенко, која неодамна беше ослободена од затвор, не верува во успехот на можните разговори меѓу Киев и Москва . Според неа, Русија сака целосна капитулација на Украина . Во своето видеообраќање Тимошенко го истакна своето мислење за причините за воената агресија на Русија.
– Причината за почетокот на воената агресија на Русија над Украина е тоа што со нашата Европска револуција ние извојувавме целосна слобода, го отворивме патот кон Европа и ја отстранивме владата на Јанукович, која ѝ беше потчинета на Русија. Русија не се помири со тоа . Тие сега решиле да си ја присвојат Украина со силата на оружјето. Со силата на оружјето да нè направат дел од Руската Федерација . Сега ни е поставен жесток ултиматум . Тие рекоа дека ќе ја прекинат воената агресија само во случај ако ги вратиме Јанукович и неговата корумпирана и крвава банда на власт. Од различни причини, овој ултиматум во никој случај не треба да биде примен, мислам дека вие го разбирате тоа . Ако Јанукович во моментов се врати на претседателската функција , како што сака Русија , тој за неколку месеци ќе ѝ ја предаде Украина на Руската Федерација преку лажен референдум. Русија во моментов со крајна агресија се стреми да нè натера целосно да капитулираме – рече Тимошенко во свое видеообраќање.
Поранешната премиерка на Украина, исто така , рече дека не верува во успех на евентуалните преговори со Русија.
– Преговорите меѓу Украина и Русија денес не може да бидат успешни – смета таа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
