Освојувачот на олимпискиот златен медал од Сочи во дисциплината супервелеслалом Норвежанецот Кјетил Јансруд покажа дека е во одлична форма оваа сезона продолжувајќи со одличните трки во брзинските трки во алпското скијање. Тој денеска на патеката во Квитфјел победи со време од 1.31.39 минути и со 29 стотинки беше побрз од шварцаскиот скијач Патрик Куенг. На третото место се пласираше Австриецот Матијас Маер со заостанување од 33 стотинки. Аксел Лунд Свиндал беше четврти и со освоените бодови го осви малиот кристален глобус во оваа дисциплина.
Јансруд беше победник и пред три дена во спуст.
Во генералниот пласман води Свиндал со 1032 бода пред Марсел Хиршер од Австрија со 955 и Французинот, Алексис Пинтуро, кој до овој момент има 774 бода.
Следниот викенд скијачите се селат во Крањска Гора каде ќе возат слалом и велеслалом.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
