Новиот украински премиер Арсениј Јатсенјук на денешната прес конференција опишувајќи ја ситуацијата во Крим каде што руски трупи ја имаат контролата над полуостровот, рече дека Русија практично и објавија војна на Украина и во моментот врши инвазија во земјата.
– Ова е всушност декларација на војна врз мојата земја. Ние го повикуваме Путин да ги повлече трупите од оваа земја и да се придржува на билатералните договори. Ако сака да биде претседателот кој почнал војна меѓу две соседни и пријателски земји многу блиску е да ја постигне целта. Ние сме на раб на катастрофа. Нема причина Руската Федерација да врши инвазија врз Украина и ние веруваме дека нашите западни партнери и целата светска заедница ќе го поддржи територијалниот интегритет и унитарноста на Украина, и ќе направат се што можат за да спречат воен конфликт, рече Јатсенјук.
Украинскиот премиер исто така нагласи дека руските сили прават провокации врз украинските сили на секои половина час.
– Нашите војници не подлегнуваат на провокации и ги штитат украинските бази и касарни. Украинскиот парламент побара од Русија да се држи до договорот и да ја врати Црноморската флота во регуларната позиција. Потсетувам, дека секое разместување на Црноморската флота мора да биде одобрено од Украина, а Украина не го одобрила ова, рекол премиерот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
