Двајца повредени во сообраќајка на автопатот Тетово-Гостивар

Две лица кои биле сопатници во автомобилот „БМВ“ се здобиле со полесни повреди во несреќата која во 14 и 30 часот се случи во близина на наплатната рампа пред Гостивар.

Повредени се М.Е. (42) и С.Ј. (48), двајцата од гостиварското село Чајле. Тие биле сопатници во колата управувана од нивниот соселанец А.Н. (44).

Несреќата се случила при судир на автобус „сетра“, сопственост на скопска туристичка агенција, а управуван од 36-годишниот тетовец И.Х.

Полицијата извршила увид и работи на откривање на причините за сообраќајката, како и утврдување на причинетата материјална штета.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.