Неверојатен меч се одигра синоќа во Торонто, каде што домаќините Рапторс загубија од Вашингтон визардс, и тоа по три продолженија, со резултат 134-129. Гортат и Вол со по 31 поен го предводеа Визардс до победата, Гортат имаше 12 скока, а Вол запиша 9 асистенции.
Во пресметката на Леброн Џејмс и Кармело Ентони, Мајами беше подобар од Њујорк со резултат 108-82. Најефикасен во шампионскиот тим беше Џејмс со 31 поен, а зад него беше Вејд со 23 постигнати поени. Кај гостите Кармело го заврши натпреварот со 29 поени и 7 скока, а Чендлер уфрли 19 поени и 16 фатени топки.
Индијана на домашен терен го совлада Милвоки, со резултат 101-96. Хиберт со 24 поени и 12 скока ја предводеше Индијана до победата.
Во последниот натпревар, Бруклин нетс откако доживеа дебакл против Портланд, на гости беше подобар од екипата на Денвер со 112-89. Најефикасен во победничкиот тим беше Пол Пирс со 18 поени и со 6 скока.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
