НАТО ги започна плановите за повлекување од Авганистан

Министрите за одбрана на НАТО соопштија дека Алијансата почнува да го планира повлекувањето на силите од Авганистан до крајот на годината.

На состанокот во Брисел е речено дека одбивањето на претседателот Хамид Карзаи да го потпише договорот со САД за статусот на силите во земјата по 2014 година е намалување на шансите дека таков договор ќе биде потпишан.

Министер за одбрана на Република Македонија Талат Џафери кој учествуваше на состанокот во Брисел изјави дека ја очекува правната рамка што ќе ја одреди Северно-атлантската алијанса, за потоа да одлучуваат и македонската Влада и Собрание, со цел македонските војници да бидат дел и од „пост-ИСАФ“ мисијата што ќе ја предводи НАТО, по военото повлекување до крајот на оваа година од земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.