Агенцијата за финансиска поддршка во земјоделството и руралниот развој соопшти дека до 30 април се продолжува рокот за доставување барања за користење средства од Програмата за финансиска поддршка на руралниот развој за 2014 година, за мерката 1.4 Помош за маркетинг на земјоделски производи и преработени земјоделски производи – специјализирани продавници за вино со потекло од Република Македонија.
Останатите делови од јавниот повик објавен на 1 февруари 2013 година, истакнуваат од Агенцијата, остануваат непроменети и неговата целосна содржина може да се најде на веб-страницата на Агенцијата www.ipardpa.gov.mk
Продолжувањето на рокот за доставување на барањата е за да се излезе во пресрет на барањата од потенцијалните корисници за подготовка на квалитетни апликации, како и да се овозможи ефикасно искористување на средства од Програмата за финансиска поддршка на руралниот развој за 2014 година, стои во соопштението од Агенцијата за финансиска поддршка во земјоделството и руралниот развој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
