На само два од десетте натпревари што се одиграа синоќа во НБА-лигата победи остварија гостинските тимови, а една од нив беше изненадување на вечерта бидејќи Кливленд успеа да ја совлада моментално најдобрата екипа на западната конференција, Оклахома Тандерс, на која ѝ го запишаа третиот пораз.
Најзаслужен за победата на Кливленд над Оклахома 104:114 беше Кајир Ирвинг со 31 поен, 9 асистенции и пет скока. Покрај него, и преостанатите играчи од првата петорка имаа двоцифрен број поени, а најдобар меѓу нив беше Џерет Џек. На другата страна Кевин Дурент со 28 поени имаше поддршка само од Расел Вестбрук, кој даде 24 поени, додека другите потфрлија.
Судирот на браќата Гасол му донесе нова победа на Марк, кој со 14 поени и 12 скока придонесе за победата на Мемфис на Лос Анџелес Лејкерс со резултат 108:103, а покрај него добра партија пружија и Кортни Ли со 18 и Тони Ален со 17 поени. Кај гостите најефикасен беше Џоди Микс, кој постигна 19 поени, Пау Гасол натпреварот го заврши со 17 поени и со 10 скока.
Во дуелот на двете плејоф-екипи од Западот, Лос Анџелес Клиперс многу лесно ја совлада екипата на Хјустон Рокетс со резултат 101:93. Клиперс беа предводени од центарскиот тандем Грифин и Џордан. Грифин, покрај 23 поени, имаше и 16 скока, додека Џордан постигна 13 поени и 10 фатени топки. Од другата страна, Двајт Хауард се обиде да им се спротивстави со 23 поени и 1 скок, но не наиде на поддршка од останатите играчи.
Резултати:
Филаделфија – Орландо 90:101
Бостон – Атланта 115:104
Чикаго – Голден стејт 103:83
Далас – Њу Орлеанс 108:89
Сан Антонио – Детроит 120:110
Јута – Феникс 109:86
Портланд – Бруклин 124:80
Вечерва се играат четири натпревари: Индијана – Милвоки, Торонто – Вашингтон, Мајами – Њујорк и Денвер – Бруклин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
