Кандидатот на Српската граѓанска иницијатив,а Горан Ракиќ, синоќа прогласи победа на повторените избори за градоначалник на Косовска Митровица, објави „Танјуг“.
Ракиќ соопшти дека неговата прва задача ќе биде да побара ослободување на сите „неправедно уапсени Срби“ за тие да се бранат од слобода.
Портпаролот на граѓанската иницијатива „Српска“, Александар Спириќ, на прес- конференција соопшти дека Ракиќ освоил 2.707 гласа, што е за 271 гласа повеќе отколку што заедно освоиле останатите тројца кандидати или 2.436 гласа.
Ракиќ соопшти дека победата на „Српска“ во Косовска Митровица е победа на државата Србија.
– Почнуваме со формирање на Заедницата на српски општини – подвлече тој.
Излезноста на повторените избори за градоначалник на Косовска Митровица беше 20,7 проценти од вкупниот број регистрирани избирачи, според првичните резултати, соопштени од Централната изборна комисија на Косово.
Изборите за градоначалник на северна Косовска Митровица минаа без инциденти и прекршувања.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
