Пратеникот од опозициската партија „Татковина“ (Баткившчина) и близок сојузник на поранешната украинска премиерка Јулија Тимошенко, Александар Турчинов е избран за претседател на украинскиот Парламент, Врховната рада.
Претходно денеска досегашниот претседателот на Врховата рада, Володимир Рибак, кој е близок соработник на претседателот Виктор Јанукович, поднесе оставка.
Рибак поднесе оставка, откако повеќе пратеници од владејачката Партија на регионите најавија дека ќе ја напуштат.
– Повеќето членови на Владата на Украина ги напуштиле своите позиции и заминале во непознат правец – изјави денеска на седница во Врховата рада Турчинов.
– Мнозинството министри ги напуштиле своите работни места и заминале во непознат правец. Единствен легитимен орган во моментов останува Врховната рада – додаде Турчинов
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Украинските морнари признале: Добивме задача, влеговме во руски води и тука чекавме наредби
-
Продолжија протестите ширум Бугарија, блокирани патишта и гранични премини
-
Српските пратеници во иднина не ќе можат да преминуваат во други партии
-
Судири меѓу полицијата и каталонски сепаратисти во Барселона: Има повредени и уапсени
