Јавна дебата за сурогат-мајчинството во Македонија

Психолозите и психијатрите во Македонија сметаат дека за да успее сурогатството кај нас потребна е силна психолошка поддршка, како на парот, така и на мајката-сурогат за да може да функционира целиот овој концепт. За ова се разговараше на втората јавна дебата.

Подготовката треба да почне уште неколку месеци пред забременувањето, но и да трае неколку месеци по породувањето.

Психолозите сметаат дека добро е што концептот е алтруистички односно нема да нуди финансиски бенефит за сурогат мајката. Но потенцираат дека без прецизно законско решение, сурогатството може да предизвика сериозни последици.

На втората јавна дебата за сурогатството, психолозите го отворија и прашањето дали терминот „сурогат мајка“ е соодветен, со оглед на фактот дека жената што го носи не е и нема да му биде мајка на бебето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.