Најповолна животна доба некој да стане гениј е околу 35 години, тврдат научниците.
Тие проценуваат дека најповолна возраст за реализација на творечиот потенцијал е од 35 до 39 години. Научниците од Руското национално биро за економски истражувања проучувале кога големите научници, иноватори и добитници на Нобелова награда го достигнувале својот творечки врв и резултатите покажале дека тоа се случува во зрелатат животна доба.
Научниците сметаат дека возраста преку 30 години е тоа што Французите го нарекуваат „искуство и одговорност“. Образованието е веќе здобиено и сега постои работно искуство. Возраста од 33 до 40 години од животот е време кога човекот има најмногу сила и здравје, а и добро искуство.
Сепак, голем број луѓе го достигнал творечкиот успех на многу порана возраст. Како антологиски пример се наведуваат писателите Пушкин и Лермонтов.
Денес науката се создава во гигантски институти, но и во научните колективи, мали лаборатории каде работат десетина луѓе, пишува „Гласот на Русија“. Најактивни се луѓето стари меѓу 30 и 40 години.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
