Фудбалерите на Арсенал се пласираа во четврт-финалето од Купот на ФА откако ја совладаа екипата на Ливерпул со резултат од 2-1.
Стрелци за Арсенал беа Окслејд-Чембрлен во 16. и Подолски во 47. минута, додека единствениот гол за гостите го постигна Џерард во 59. минута од белата точка.
Менаџерот на Ливерпул, Брендан Роџерс, вели дека е разочаран од судењето на Хауард Веб во мечот од осминафиналето од Купот на ФА .
– Разочаран сум што не ни е досуден втор пенал, кој беше очигледен за разлика од првиот. Не знам дали не ни е свирен бидејќи се случи веднаш по првиот, но тоа беше чиста ситуација за пенал. Мислам дека подобриот тим загуби, заслуживме барем да одиграме повратен натпревар. Иако примивме лесни голови, морам да кажам дека дејствувавме самоуверено – изјави Роџерс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
