Фудбалерите на ПСЖ без многу проблеми со убедливи 3-0 ја совладаа екипата на Валенсиен на првиот натпревар од 25. коло од француската Лига 1.
Домаќините до водство ги донесе Езекиол Лавеци во 18. минута. До вториот погодок чекаа до 50. минута кога Златан Ибрахимовиќ по асистенција од Кабаје ја дуплираше предноста. Конечните 3-0, само две минути подоцна ги постави гостинскиот дефанзивец Кагелмаер постигнувајќи автогол.
Со оваа победа екипата на Лорен Блан дојде до 58 бода односно 8 бода и еден натпревар повеќе од второпласираниот Монако, практично и единствениот ривал за шампионската трка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
