Јанукович ја повикал Тимошенко во новата влада

Рускиот весник „Комерсант-Украина“ објави дека шефот на претседателската администрација во Украина Андриј Клуев минатата недела разговарал со опозиционерката Јулија Тимошенко околу тоа нејзината партија „Баткившчина“ (Татковина) и владеачката Партија на регионите да формираат коалициско мнозинство во парламентот. Според весникот, двајцата разговарале минатата недела во болницата во Харков, каде поранешната премиерка Тимошенко се наоѓа на лекување.

Се додава и дека блиски луѓе од кабинетот на шефот на администрацијата овие информации ги нарекува „Чудни“. Но, сепак се известува дека резултат на договорот на таа посета е Татковина да учествува во формирање на нова влада, премиер да биде Арсениј Јацењук, да се направат уставни реформи, а Јулија Тимошенко да биде ослободена од затвор.

Потврда за овој договор нема ниту од Тимошенко.

Предлогот  за Јањецук е на претседателот Виктор Јанукович, но со услов тој јавно се огради од опозицијата и наместо својата да ја реализира програмата на шефот на државата. Јацењук е согласен опозицијата да формира влада ако Украина се врати кон Уставот од 2004 година. Неделава се очекува на Врховната рада да и биде предложена кандидатурата за нов премиер по оставката на Микола Азаров, прифатена на 28-ти јануари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.