Државна лотарија на Македонија од утре ќе поставува истурени пунктови низ Македонија за наградната игра „Фискална во рака – награди без мака“ каде што граѓаните ќе можат да ги оставаат пликовите со фискални сметки за учество.
Граѓаните ќе можат од 10 до 16 часот да го достават своите пликови во сандачињата за наградната игра пред продажните места на Државна лотарија и тоа на 11 февруари во Велес – продажно место ЛОТО 77, на 12 февруари во Штип – продажно место ТУТУН ПРОМ,
на 13 февруари во Кочани – продажно место АНАФИЛ, на 14 февруари во Струмица – продажно место ВАТКОС, на 15 февруари во Гевгелија – продажно место МОНТЕ МК, на 16 февруари во Кавадарци – продажно место СИГМА, на 17 февруари во Прилеп – продажно место ТОБАКО ПЛУС, на 18 февруари во Битола – продажно место ВАГАБОНД, на 19 февруари во Охрид – продажно место ПРАГМА, на 20 февруари во Струга – продажно место КИКИ ТВИНС, на 21 февруари во Кичево – продажно место АНДРОКО, на 22 февруари во Гостивар – продажно место ЈОТОН и на 23 февруари во Тетово – продажно место БАРТОН.
Во Скопје пак, секој ден ќе функционираат три истурени пунктови на наградната игра и тоа на улица „Македонија“ пред Толлакс – продажно место на Државна Лотарија, во „Техномаркет“ – Сити Галери и во зградата на МРТВ.
Главна награда на извлекувањето на 24 февруари ќе биде „сеат ибица“, а ќе бидат доделени и 150 вредносни ваучери од 1.000 до 60.000 денари.
Правилата за учество се едноставни – 20 фискални сметки со датум од 15.11.2013 наваму да се стават во стандарден бел плик и да се испратат до Државна лотарија на Македонија со назнака за „Фискална во рака – награди без мака“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
