Бетмен Велит, Стоилов, Лешоски… – вие одредете кој е најкреативен

Од 10 до 20 декември на социјалните медиуми во Македонија ќе се одржува кампањата на „Микрософт Македонија“ за Windows 10 – „10 познати. 10 дена. Windows 10“, каде 10 популарни луѓе од различи професии ќе работат со новиот оперативен систем и своите иновативни и интересни коментари ќе ги објавуваат на друштвените мрежи.

Ракометарот Стојанче Стоилов, водителот Димитар Атанасовски, твитерашот Богдан Илиевски – Бетмен Велит, поетот Дарко Лешоски, возачот Игор Стефановски – Иџе, актерот Гораст Цветковски, водителката Снеже Велков, претставникот на фан-групата на „Микрософт Македонија“ Иво Гиевски, еден од најдобрите студенти на ФИНКИ Наталија Најдова и победникот на квизот од наградната игра на страницата на „Микрософт Македонија“ на „Фејсбук“ Стефан Маркоски – сите тие 10 дена преку своите профили на на интересен начин ќе треба да ни покажат кои се новитетите на опеативниот систем Windows 10.

Објавите на учесниците за користењето на Windows 10 ќе бидат обединети на страницата на „Микрософт Македонија“ на „Фејсбук“, a на друштвените мрежи ќе можете да ги препознаете со хаштагот #најдобриотдосега (слоган извлечен од англискиот слоган за Windows 10 – The best one yet). Врз база на најиновативните споделувања, бројот на објави, лајкови и коментари, ќе се одбере најкреатвниот од нив, победник кој ќе добие интересна награда.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.