Груевски за предлогот на СДСМ: Со 19 денари поврат на ДДВ не можете да ја вратите средната класа

СДСМ кога дава предлози не дава официјални и точни бројки, рече денеска македонскиот премиер Никола Груевски коментирајќи го предлогот на СДСМ за враќање на персоналниот данок на сите оние коишто земаат плата до 12.000 денари.

-СДСМ кога дава предлози не дава официјални и точни бројки. Според нив, денеска има 15.000 такви луѓе, а таа бројка не е точна и е од времето кога тие биле на власт. Тие не кажаа ни колку чини тоа ДДВ. Кога ќе се пресмета, сумата што треба да им се врати на тие граѓани изнесува од 19 до 45 денари, а на тие со најголеми примања ќе треба да им се вратат 290 денари. СДСМ зборува за враќање на средната класа, а со 19 денари средната класа не може да се врати. Зголемувањето на стандардот на населението се прави со зголемување на минималната плата, зголемување на пензијата, поголем број на инвестиции, истакна Груевски.

Според Груевски, СДСМ промовирајќи се себеси постојано зборува за тоа како ќе се трошат парите од буџетот, а не за тоа како да се зголеми буџетот.

-Понекогаш се прашувам дали треба воопшто да одговарам на такви неосновани прашања, рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.