При евентуално отцепување на Шкотска од Велика Британија, по претстојниот референдум, таа треба да се откаже од користење на сегашната валута – британската фунта, изјави британскиот министер за прашања на Шкотска, Алистер Кармајкл.
– Ако жителите на Шкотска изберат независност, треба да се подготвени да го прифатат фактот дека земјата ќе излезе од монетарниот систем со останатиот дел на Обединетото Кралство – истакна Кармајкл.
– Сите можни проекти за зачувување на британската фунта во Шкотска, кои сега ги разгледуваат властите, се неприфатливи – изјави британскиот министер.
Вакво мислење веќе изрази и британскиот министер за бизнис, иновации и професионална обука Винсент Кејбл.
Референдумот за независност на Шкотска е закажан за 18 септември. Ако Шкотланѓаните изгласаат суверенитет, тогаш тоа ќе биде прогласено на 24 март 2016 година. Дотогаш Единбург и Лондон треба да се договорат за условите за излез од Велика Британија, која беше создадена во сегашниот вид по поптпишувањето на актот за унија меѓу Англија и Шкотска во 1707 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.